"Cindrella Man", Russell Crowe lem changna kha hmasak kha titak tawk in ka en nawn nawk a. A mi hne in ka lungril a them khop el. Ama hin Jim J. Braddock, Pugilist, lem an chang a nih. Harsatna hin mihriem hih tumruona hi a lo pek thei zie le a keiding thei zie a min hriet tir chu tie. 'Adversity makes a man' ti hih a pawm ve tu ka nih. Pasietna hin tumruona, tuorselna hai a pek ve thei zie, ka hriet ta sa nisien khom ka zuk hriet thar zuol chu tie. Jim J. Braddock hih an tlasie hun lai tak tak khan chuh, 'The Great Depression' hun lai lo ni bawk leh, kut hai chen lo daw ta a nih. A retire ta hnung chun thrang a la hung lak thra a, mi hai chawmna zar chun, sawt naw te a chun World Heavyweight Boxing champion title a hung lak ta der el.
Thil ramtin ka zuk ngaituo dawk kir chu tie. Kan School kai lai hun dam, college kai lai chen khom. Mi School uniform hlui kan hak lai dam, mi lekha bu hlui po kan huoi khawm lai dam. Keini tawk a ding chun khalai hun le tuta kan ngir na hih an thlau ta hle. School chawl ding khawm ei hawphur ngawi ngawi el hlak a ni kha, a san chuh chawl a ni chun Kangzam tlang kha nikhat a hin voihnih kan kai hlak a nih, thing phur ah, leipui enkai malam leh. Pathien mi thuoi na hih a ropui in an sang a nih. Harsatna kan i sir popo chuh zuk in zawt el seng an nawh.Inzak um tieng khawm a um chu tie.
Ka zuk hril nuom tak chuh eini tlangram mi hai hih va hosa he hu ei um tawl naw a, harsa triet tret a inchuk tawl dam ei nih (a lo thaw thei deu, sum tienga panga chuh um tho ei ta). Khalaizing khan 'tum (goal)' nei hih a thra. Tum nei in sang hih a poina a um thrak nawh, ka lo hmu ve dan. Anachuh, khalai khan tum i nei si chun a 'driving force' kha battery ang deuin i suk bit map a ngai a nih. Mani suk na hmun hriet a thrang khom nasatak a lak ding. Ei tum an sang phawt chun ei lo tla pal a ni khom a, ei tla inhnuoi bek bek chuh ka ring chuong nawh. Ei nu le pa hai in thlasaphul kai rak a an mi lo chawmna hih thlawn naw sien, an hrat naw hun ah a sawmdawltu ei thei na dingin thrang hih hang la thar nawk tak tak in la. Insuong a hung changkang chun, Hnam khom i hung suk chnagkang pei a ni ti kha hriet sa mawl ding.
Mi pasie bek bek lo, sum tienga ngaituo um lo hai hman in tum in sang tak tak nei in an hung dingsuok a, chu lai ah eini pasie tret trawt hai hin iem ei tum ei zuk suk sang naw na ding san? Pasietna hih negative tienga lak lo ding, positive deu a lak a, tumruona, tuorselna, taimakna mi pe tu a lak lem ding. Forum pakhat a ka tiem chuh, 'Adversity' hmanga essay ziek ding an ti a, a ma nu hin ka hringnun a hin 'Adversity' hih ka la tawng naw leiin harsa ka ti em a ka ziek thei naw a nih a ti chuh! Pasietna hih vangneina pakhat ve angin ka ngai, tumruona, tuorselna mi pe tu a ni chun.
Victor Hugo chun 'Adversity makes a men, and prosperity makes a monster' a ti a. A film bawk zuk hril nawk in la. 'The Devi's Double', Saddam Hussein a naupa chanchin an in changna a khan ei zuk hmu a. Power, money kha a ma ta ang el a a ngai lei khan, mihriem pangngai hai umdan ding lo ang top in a um. Pasietna a inthawk a hung seilien nisien chuh khang lawm lawm khan a mizie khom kha a um ka ring nawh. Chuleiin, pasietna hih inzapui ding nilo, a mi siem tu le tumruona, sel-na mi petu a lak hlak ding.
Hlawtlingna hai, insang-na hai, thunei theina ngirhmun ah ei um ta lo nisien khom, ei suok na kha theinghil lo a, mani ngirhmun in ang pui hai kha sawmdawl a, thrang lak pui lem hlak hih thil thra tak a nih. Hienga ei thaw seng chun, ei hnam chawiding tu la hung ni rawp ei tih. Chulai zinga chun a mi siem tu Pathien kha inza tak pum leh tri dek pum a thrang lak ding.
[Ka ziek tum tak a suok thra thei naw ngei. Zani mi pakhat leh kan in biekna ah a chanchin a hung hril a, ka zuk ngaituo em a ka zuk ziek lang a nih thiem naw sa sa in. Lo hun el raw seh. Main idea chuh an lang phak tho met in ka hriet. Ei Hmar trawng ziek inchuk lai mek ka ni ve leiin sukdikna chuh ka pawm ran a ni aw.]
